Psa 128 | MMX | STEP | Luvukat tinedi mo ding tonga res at Leeme Silok, la lavatpas atdi i mumu asu leventaangas teren.

Psalms 128

Luunun Ti Lorongtonga Res At Leeme Silok

1 Luvukat tinedi mo ding tonga res at Leeme Silok, la lavatpas atdi i mumu asu leventaangas teren.

2 Do nemi bok mina ronga res teren, mo lugugu atnimi naba lox suusu lempanga ri lox epovo lavakpakes atnimi, la minabak lok momo la minaba ngasang kobot at lempanga axap. 3 La lavakin atnimi dinaba lok ngan loos vaen to xolonu ua i pisik aleng; laxamdak mi laxaalik atnimi dinaba rooro avukat ngan larauna olip maxat to xeneng at leven angkolonu atnimi. 4 Do laradi nang tonga res at Leeme Silok, neni naba lok kaka ruturun leveloklox anarong kerepmo.

5 Naba lox avukat do Leeme Silok boro Saion, naba lox anarong nimi at levenaleng axap at lorooro atnimi. Naba lox avukat bok do minaba ven lemenemen Jerusalem na vosok, 6 la naba lox avukat bok do minaba ven luvutubuno nimi.

Limila nak lok keneng at limixin me Israel.